ذكرى أسبوع المولد النبوي الشريف
جاتك لفزوع بالهول يانور الوجـــود*** في هد النهار لكبيرتفاجي ضرارهــــــــا
والفرحة تنور عليك بحال المزيــود*** والناس مسلمة لسيد الامةوجههــــــــــا
ارض توات الوسطى بالفرحة تسود*** وترحب بضيافك مزينة ديارهـــــــــــــــا
يامس فرحتنا بك فاتت الحــــــدود*** واليوم جينا لسبوعك اقبل زيارهــــــــــا
من شتى البلدان جات النجوع حـشود*** ولعوايل تقسم الفرحة بحبابهـــــــــــا
في تاسع راس العام وافق المســـعود*** وجاتك الزورة تخفي اسرارهــــــــــا
للزاوية جات الرجال محزمة لزنود*** ولمكاحل على لكتاف دارت امارهــــــا
كي تشوف الجموع تتفكر الموعـــود*** الي فيه تطيح اليهود وحـــــــــــــبارها
حلقة ورا حلقة بحال عود العنقــــــود*** وكلمةالصلاة على النبي كملت اجلالها
فتنا على مكيد وتيوريرين اشــــــهود*** والزهوة تعكس الناس في حالـــــــــها
بزاقلو ناس كبار مربية لكبــــــــــــود*** على حب النبي مرابطين وعربانهـــــا
جات تبركان نساتنا لبعـــــــــــــــود*** وربطت البلدان خوت وجيرانـــــــهــــا
دخلت تاخفيف ياخضرة فالعـــــــــود*** شباب نمجد بيهم متعني بكبارهـــــــــا
والا شراق من ادمر دارو المنشــــود*** والرقصة زاهية والكلمة بعبارهـا
اغرمملال ارض الزرع المحصــــــود*** والسدرة الراسخة تجيب اثمارهــــا
اظوى فرقةاصيلة فالجـــــــــــــــــدود *** اصل الزهوة والرشقة بخبارهــــــا
ناس بوعلي يبعد عنهم عين الحســود*** ويخاوي لخوت و تنحي اعنادهــــا
ياسايل لاتقول راني بكلامي جحــــــود*** وراني نسيت البيت وحضارهــــــــا
الفرحة تكمل بحلقة تنوض الرقــــــــود*** زاوية كنتةبالترحيب تزهر زمانهـا
كلهم جاو على جال حبيب المعبــــود*** وبالتمجيد يمجدوك نسا ورجالهــــــــا
غير دير النيةيالخووابلغ المقصــــــــود *** وخلي اللومة للحسود وانزالهـــا
لبي الدعوة عندناسها راك مـــــــــرفود*** والايام كي تتبدل اش يجيب جبارها
هد لكلام ادفى بهاالاقبضك لبـــــــرود*** وتونس به فالصحراء وجبالــــــــها
وخوك لكبير لاتقول به الزين المقدود*** وبالزهوة يطفي نار الغرمة وفارها
الله يقبل الجميع والعديان بعـــــــــــود ***والصلاة على النبي خيار ختامهــا
التوقيع لكبير ماموني